असार १६, काठमाडौँ । नेपालमा आज ५५ जनामा कोरोना संक्रमण पुष्टि भएको छ । पछिल्लो २४ घन्टामा देशभर १ हजार ५३२ जनाको पीसीआर परीक्षणमा ३६ जना र १ हजार १६६ जनाको एन्टीजेन परीक्षणमा १९ जना गरी ५५ जनामा संक्रमण पुष्टि भएको हो । कोरोनाका कारण आज पनि कसैको मृत्यु भएको छैन ।
त्यस्तै थप १७ जना संक्रमित निको हुँदा हालसम्म नेपालमा ९ लाख ६७ हजार ४६२ जना निको भएका छन् । यो कुल संक्रमितको ९८ दशमलव ८ प्रतिशत हो । मन्त्रालयका अनुसार हाल नेपालमा २८० जना सक्रिय संक्रमित रहेका छन् । पछिल्लो २४ घन्टामा थप ३ लाख १६ हजार ४ सय ७७ जनाले कोरोनाविरुद्धको खोप लगाएका छन् ।
