जेठ २६, काठमाडौँ । नेपालमा आज थप २२ जनामा कोरोना संक्रमण पुष्टि भएको छ । पछिल्लो २४ घन्टामा देशभर गरिएको १ हजार ७ सय ५३ पिसिआर र एन्टीजेन परीक्षणका क्रममा २२ जनामा कोरोना संक्रमण पुष्टि भएको हो ।
कोरोनाका कारण बिहीबार पनि कसैको मृत्यु भएको छैन । त्यस्तै थप ९ जना संक्रमित निको हुँदा हालसम्म नेपालमा ९ लाख ६७ हजार १ सय ७१ जना निको भएका छन् । यो कुल संक्रमितको ९८ दशमलव ८ प्रतिशत हो ।
मन्त्रालयका अनुसार हाल नेपालमा १ सय १२ सक्रिय संक्रमित आइशोलेशनमा रहेका छन् । पछिल्लो २४ घन्टामा थप १ लाख १७ हजार १ सय १७ जनाले कोरोनाविरुद्धको खोप लगाएका छन् ।
