0 COMMENTS

चैत ६, पाँचथर । क्रान्तिकारी कम्युनिस्ट पार्टी नेपालको जनसम्बन्ध विस्तार अभियान देशैभर जारी छ । पार्टीका स्थायी समिति सदस्य रामसिंह श्रीसको नेतृत्वमा रहेको १ नं. अभियान टोलीले मंगलबार पाँचथर जिल्लाको कुम्मायक गाउँपालिका–४ स्थित यासोक बजारमा कोणसभा सम्पन्न गरेको छ । कोणसभालाई पार्टीका पीवीएम चन्द्रहरि सुवेदी र क्रान्तिकारी ट्रेड युनियन महासंघका केन्द्रीय संयोजक इश्वर तिमिल्सिनाले सम्बोधन गर्नुभएको थियो । कोणसभाको सञ्चालन कृष्ण चौलागाईले गर्नुभएको थियो

यो अभियान टोली यासोक बजारको कोणसभा सकेर आजै तेह«थुम जिल्ला प्रवेश गर्ने छ । भोलि र पर्सी तेह«थुमका विभिन्न स्थानमा अभियान सञ्चालन गर्ने छ । पाँचथरको पूर्वी सीमाना चिवाभञ्ज्याङबाट अभियानको उद्घाटन गरेको यो टोलीले पाँचथरको फिदिम बजार लगायत विभिन्न स्थानमा अभियानको पर्चा वितरण, वालपेन्टिङ, अभियानको प्रचारप्रसारका लागि माइकिङ र नाराबाजी समेत गरेको थियो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

तपाईको ईमेल गोप्य राखिनेछ । आवश्यक फिल्डहरु* चिन्ह लगाइएका छन् ।