चैत ६, काठमाडौँ । २७ औं सांस्कृतिक प्रतिरोध दिवस काभ्रेको अनेकोट लगायत देशैभर मनाइएको छ । क्रान्तिकारी कम्युनिस्ट पार्टी नेपालले जारी ‘जनसम्बन्ध विस्तार अभियान’कै बिच साँस्कृतिक प्रतिरोध दिवस देशैभर मनाएको छ ।
प्राप्त समाचार अनुसार काभ्रेको अनेकोट स्थित सहिद स्तम्भमा अनेकोट हत्याकाण्डका महान सहिदहरु च्याङ्वा लामा, चिनीमाया लामा, गुम्बसिंह लामा, निर्मला देवकोटा, डम्बर श्रेष्ठ, शुभद्रा सापकोटा र मञ्जु बमको शालिकमा माल्र्यापणसहित श्रद्धाञ्जली कार्यक्रम सम्पन्न गरिएको छ । क्रान्तिकारी कम्युनिस्ट पार्टी नेपालको १० नं. ब्यूरोको आयोजनामा श्रद्धाञ्जली कार्यक्रम सम्पन्न गरिएको हो । १० नं. जनसम्बन्ध विस्तार अभियान दलका नेता सुरेश श्रेष्ठसहितका नेताहरुले देशमा जनगणतन्त्रको स्थापना गरेर मात्रै अनेकोटका महान सहिदहरु लगायत आमूल परिवर्तनका निम्ति आफ्नो अमूल्य जीवनको बलिदानमाथि न्याय गर्न सकिने बताउनु भयो ।
प्राप्त समाचार अनुसार चारवटै केन्द्रीय अभियान टोली र व्यूरोहरुमा सञ्चालित अभियान टोलीहरुले पनि आज विभिन्न कार्यक्रम गरी अनेकोट हत्याकाण्डका महान सहिदहरुको उच्च बलिदानलाई सगर्व स्मरण गरेका छन् ।
यसैबिच, इच्छुक सांस्कृतिक प्रतिष्ठान र जनसांस्कृतिक महासङ्घले संयुक्त रुपमा विशेष कविता गोष्ठीमार्फत् साँस्कृतिक प्रतिरोध दिवस मनाइरहेको छ । इच्छुक सांसकृतिक प्रतिष्ठानको सभाहलमा भएको कार्यक्रममा क्रान्तिकारी स्रष्टाहरुले आफ्ना काब्यिक रचनाहरु प्रस्तुत गरिरहेको प्रतिष्ठानका अध्यक्ष हिरामणि दुःखीले जानकारी दिनुभएको छ ।
तत्कालिन नेकपा माओवादीले जनयुद्ध सुरु गरेको तीन वर्षपछि २०५५ साल चैत ५ गते काभ्रेको अनेकोटमा घेरा हालेर निःशस्त्र अवस्थामा सेल्टर लिएर बसेको घरमा ७ जना कलाकारहरु आगो लगाएर नृशंसतापूर्वक हत्या गरिएको थियो । उक्त घटनामा जनकलाकारहरू च्याङ्बा लामा, निर्मला देवकोटा, गुम्बासिं तामाङ, मञ्जु कुँवर, डम्बर श्रेष्ठ, सुभद्रा देवकोटा र चिनिमाया लामालाई जिउँदै जलाएर हत्या गरिएको थियो ।
‘घर घेरा हालेर आगो लगाएर राज्यका क्रूर जल्लादहरुले आत्मसमर्पण गर्न भन्दा ती जनताका ती महान कालाकारहरुले आत्मसमर्पण गरेनन्, शरीरमा एक मुठ्ठी श्वास र एक थोपा रगत हुँदासम्म पनि निरन्तर प्रतिरोध गरिरहे । मृत्युलाई हाँसी हाँसी स्वीकारे तर पार्टी र क्रान्तिप्रति गद्दारी गरेनन् । अनेकोटका सहिदहरुको यो महानता, वीरता र बलिदानको उच्च मूल्यांकन गर्दै क्रान्तिकारी कम्युनिस्ट पार्टी नेपालले, यहाँका क्रान्तिकारी जनसांस्कृतिककर्मी तथा कलाकर्मीहरुले प्रत्येक वर्ष आजकै दिन साँस्कृतिक प्रतिरोध दिवस मनाउँदै आएका छन् ।
