साउन १९, काठमाडाैँ । रोल्पामा पहिरोले घर पुरिँदा एक जनाको ज्यान गएको छ भने एक जना बेपत्ता भएका छन् ।
सुनछहरी गाउँपालिका वडा नम्बर–४ कामी डाँडामा गएराति साढे नौ बजेतिर गएको पहिराले घरसँगै ६० वर्षकी बसुना सुनार र उहाँकी चार वर्षकी नातिनीलाई पुरेको थियो ।
खोजी गर्ने क्रममा बसुनाको शव भेटिएको र उहाँकी नातिनीको खोजी भइरहेको जिल्ला प्रहरी प्रमुख डीएसपी भरत लामाले जानकारी दिए । पहिरो जाँदा बसुनाका छोरा र बुहारी घर बाहिर रहेकाले जोगिएका छन् ।
