कात्तिक २६, जाजरकोट । क्रान्तिकारी कम्युनिस्ट पार्टी, नेपालले भुकम्प पीडितहरुका घरहरू पुर्ननिर्माणका लागिशनिबारबाट जनसेवा शुरु गरेको छ । भेरि नगरपालिका वडा नम्बर ३ कि गोपी सिंह सहितको भुकम्पले क्षतविक्षत बनाएको घरलाईपुर्ननिर्माणको लागि काम शुरुआत गरेको हो ।
शनिबार माेहन वैद्य ‘किरण’ नेतृत्वको क्रान्तिकारी कम्युनिस्ट पार्टी, नेपालका केन्द्रीय कार्यालय सदस्य तथा ६ नं. प्रदेश इन्चार्ज उदयबहादुर चलाउने ‘दिपक’ को नेतृत्वमा उक्त प्रभावित क्षेत्रमा पुगेर दोस्रो चरणको जनसेवा शुरुआत गरेको हो । शनिबारै उक्त ठाउँमा दुईवटा घर पुर्ननिर्माणको काम शुरु गरेको हो । यो भन्दा अगाडि पार्टीका जिल्ला इन्चार्ज अनन्त र जिल्ला संयोजक हिमालको नेतृत्वमा भुकम्प गए लगत्तै रातारात उद्धार र राहत कार्यमा निरन्तर खटिरहेको छ ।
शुक्रबार राति पार्टी केन्द्रकाे तर्फबाट दिपककाे नेतृत्वमा पुगेको टाेली हरिस भट्ट संयाेजक रहेको क्रान्तिकारी युवा संगठन, प्रतिज्ञा र केसरकाे नेतृत्वमा जनस्वास्थ्य टाेली, दिग्दर्शन र राजन बुढाको नेतृत्वमा सुचना तथा संचार टाेली सहितले शुरुआत गरेको थियो । अभियान टाेलीका कमान्डर दिपकले शनिबार २५ गते देखि शुरु गरेको याे दाेस्राे चरणको जनअभियान १५ दिनसम्म चल्ने बताए । उनको नेतृत्वमा जनअभियान कार्यालय टिम क्रान्तिकारी युवा संगठन, नेपाल संयाजक हरिस भट्ट, पार्टी केन्द्रीय सदस्य तथा ६ नं. प्रदेश संयाेजक संगम, पार्टी केन्द्रीय सचिवालय सदस्य धमिल र जनस्वयंसेवकका बादल, १ नं. टाेली संयाेजक प्रतिज्ञाकाे टाेलीकाे नेतृत्वमा भेरि नपा, नलगाडा नपा र कुँशे गाँपा, २ नं. टाेली संयाेजक अनन्तकाे टाेलीकाे नेतृत्वमा कुँशे गाँपा, छेडा गाँपा र भेरि नपा र ३ नं. टाेली संयाेजक विपिनकाे नेतृत्वमा नलगाँड गाँपा, भेरि नपा मा ९/९ जनाको टाेली निर्माण गरि परिचालन गरिएको बताए ।
जाजरकोटकाे बारेकाेट गाउपालिकाकाे रामिडाँडा केन्द्र बिन्दु भएर २०८०कार्तिक १७ गते राति ११:४७ मा ६.४ रेक्टर स्केलकाेभुकम्पले १५३ जनाकाे ज्यान लिनुका साथै ४०० जना घाईते अवस्थामा छन र हजाराै घरवारविहीन अवस्थामा पालमुनि रगाेठहरुमा बसिरहेका छन । चिसाे बढेसँगै थुप्रै बिरामी परिरहेका छन साेहि अवस्थालाई मध्यनजर गरि विभिन्न किसिमकाेस्वास्थ्य सामाग्री र औषधिहरु जिल्ला अस्पताल जाजरकोट लाई हस्तान्तरण गरि भुकम्प पिडितहरु कहाँ पुर्याउने पार्टीले थप राहतका सामग्रीहरु पनि उपलब्ध गराउने र शनिबारदेखि भुकम्प प्रभावित क्षेत्रमा पार्टी उद्धार कार्यमा निरन्तर खट्ने जिल्ला इन्चार्ज अनन्तले जानकारी दिए ।
