आज १७७ जनामा कोरोना संक्रमण पुष्टि, ४१ जना संक्रमित निको भए

असार २८, काठमाडौँ । नेपालमा आज १७७ जनामा कोरोना संक्रमण पुष्टि भएको छ । पछिल्लो २४ घन्टामा देशभर ३ हजार १२६ जनाको पीसीआर र एन्टीजेन परीक्षण गर्दा १७७ जनामा संक्रमण पुष्टि भएको हो । कोरोनाका कारण आज पनि कसैको मृत्यु भएको छैन ।

त्यस्तै थप ४१ जना संक्रमित निको हुँदा हालसम्म नेपालमा ९ लाख ६७ हजार ७६५ जना निको भएका छन् । यो कुल संक्रमितको ९८ दशमलव ७ प्रतिशत हो । मन्त्रालयका अनुसार हाल नेपालमा ८७३ जना सक्रिय संक्रमित रहेका छन् । पछिल्लो २४ घन्टामा थप ६४ हजार ९०७ जनाले कोरोनाविरुद्धको खोप लगाएका छन् ।