असार २४, काठमाडौँ । नेपालमा आज ९८ जनामा कोरोना संक्रमण पुष्टि भएको छ । पछिल्लो २४ घन्टामा देशभर १ हजार ६१ जनाको पीसीआर परीक्षणमा ८३ जना र १ हजार ९३ जनाको एन्टीजेन परीक्षणमा १५ जना गरी ९८ जनामा संक्रमण पुष्टि भएको हो । कोरोनाका कारण आज पनि कसैको मृत्यु भएको छैन ।
त्यस्तै थप २८ जना संक्रमित निको हुँदा हालसम्म नेपालमा ९ लाख ६७ हजार ६२५ जना निको भएका छन् । यो कुल संक्रमितको ९८ दशमलव ७ प्रतिशत हो । मन्त्रालयका अनुसार हाल नेपालमा ५६४ जना सक्रिय संक्रमित रहेका छन् । पछिल्लो २४ घन्टामा थप ६२ हजार ९७१ जनाले कोरोनाविरुद्धको खोप लगाएका छन् ।
