कात्तिक २९, काठमाडौँ । काठमाडौंको गोकर्णेश्वर नगरपालिका तीन स्थित गाम्चामा एकै परिवारका तीन जना मृत अवस्थामा भेटिएका छन् ।
जिल्ला प्रहरी परिसर, काठमाडौँ स्रोतका अनुसार गोकर्णेश्वर नगरपालिका–३, गाम्छामा ३३ वर्षीया सीता मोक्तान, उनकी छोरी अंशु मोक्तान र दुई महिनाका नाबालक छोरा मृत अवस्थामा भेटिएका हुन् ।
उनका श्रीमान् कान्छा नगरकोटीले श्रीमती र दुई छोराछोरी हराएको भन्दै प्रहरीलाई खबर गरेका थिए । मोक्तानका श्रीमान् कान्छा नगरकोटीले श्रीमती र दुई छोराछोरी हराएको भन्दै प्रहरीलाई खबर गरेपछि जाँच गर्दा बन्द कोठाभित्र शव भेटिएको बताइएको छ ।
घटनास्थलमा प्रहरी वृत्त, बौद्ध, जिल्ला प्रहरी परिसर, काठमाडौँ र उपत्यका अपराध अनुसन्धान कार्यालयको टोलीबाट शवको मुचुल्का उठाउने काम भइरहेको प्रहरीले जनाएको छ ।
