साउन २२, काठमाडौँ । आज बिहानैदेखि काठमाडौँलगायत देशभर वर्षा भइरहेको छ । निरन्तर वर्षाका कारण काठमाडौँका सडकहरू जलमग्न भएका छन् भने जनजीवन अस्तव्यस्त बनेको छ ।
काठमाडौँका मुख्य सडकहरूमा पानी जमेको छ भने पैदलयात्रुहरुलाई आवतजावत गर्न समस्या भएको छ । काठमाडौँमा ढल निकासको उचित प्रबन्ध नहुँदा सडकहरू जलमग्न हुने गरेका छन् ।
उपत्यका ट्राफिक प्रहरी महाशाखाका अनुसार माइतीघर, लैनचौर, पुतलीसडक, स्वयम्भु, कोटेश्वर, केशरमहल लगायतका मुख्य सडक र सहायक सडकहरु जलमग्न भएकाले सवारी आवागमन प्रभावित भएको छ ।
मौसम पूर्वानुमान महाशाखाले आज र भोलि भारी वर्षा हुन सक्ने सम्भावना रहेको भन्दै सतर्कता अपनाउन आग्रहसमेत गरेको छ ।
