पुस ९, काठमाडाैँ । नवलपरासी पूर्व (नवलपुर) को खहरे जंगलमा सासूबुहारी मृत भेटिएका छन् । विनयी त्रिवेणी गाउँपालिका-१ ओमशान्ति टोलका सासूबुहारीको घाँसदाउरा लिन जङ्गलमा जाँदा आइतबार मृत्यु भएको हो ।
विनयी त्रिवेणी गाउँपालिका–१ ओमशान्ति टोलका स्थानीय ६० वर्षीया मनादेवी पौडेल र उनकी बुहारी २८ वर्षीया विष्णु पौडेल मृत फेला परेको जिल्ला प्रहरी कार्यालय नवलपरासी (पूर्व) का प्रहरी नायव उपरीक्षक वेद बहादुर पौडेलले जानकारी गराएका छन् । उनीहरु आइतबार दिउँसो घाँस काट्न भनेर जंगलमा गएका थिए । अबेरसम्म पनि उनीहरु घर नफर्किएपछि प्रहरीको सहयोगमा खोजी सुरु गरिएको थियो । खोज्ने क्रममा गएराति १० बजेतिर जंगलमा दुवै जना मृत फेला परेको प्रहरीले जनाएको छ ।
अहिले उनीहरुको शवलाई मध्यविन्दु अस्पतालमा राखिएको छ । उनीहरुको बाघको आक्रमणबाट ज्यान गएको प्रहरीको अनुमान छ ।
