असार ३०, काठमाडौँ । नेकपा एमालेका अध्यक्ष केपी शर्मा ओली प्रधानमन्त्रीमा नियुक्त भएका छन् । राष्ट्रपति रामचन्द्र पौडेलले संविधानको धारा ७६(२) अनुसार आइतबार साँझ ५ बजेपछि ओलीलाई प्रधानमन्त्री नियुक्त गरेका हुन् ।
ओलीले कांग्रेस एमालेका १ सय ६६ जना सांसदको समर्थनमा प्रधानमन्त्रीको दाबी पेस गरेका थिए । उनको शपथ भोलि बिहान ११ बजे हुने राष्ट्रपति कार्यालयले जनाएको छ ।
केपी शर्मा ओलीको यो प्रधानमन्त्रीको चौथो कार्यकाल हो ।
