पुस १०, काठमाडौँ । क्रान्तिकारी कम्युनिस्ट पार्टी, नेपालले आज १३१ औँ माओ जयन्ती विभिन्न कार्यक्रम गरी मनाउँदैछ । अन्तर्राष्ट्रिय कम्युनिस्ट आन्दोलन तथा विश्व सर्वहरावर्गका एक महान नेता माओ त्से तुङको १३१ औँ जन्मदिवसमा क्रान्तिकारी कम्युनिस्ट पार्टी, नेपालले एक वक्तव्य जारी गरेको छ । वक्तव्यमा माओले देखाएको बाटोमा सदैव अगाडि बढ्न आव्हान समेत गरिएको छ ।
वक्तव्यमा भनिएको छ, “मार्क्सवाद–लेनिनवाद–माओवाद अहिले पनि कम्युनिस्टहरुका लागि वैज्ञानिक समाजवादी सत्ता स्थापना गर्ने र साम्यवादका लागि अगाडि बढ्ने अमोघ अस्त्र हो । यो अस्त्रबाट सर्वहारा वर्गलाई सुसज्जित गर्ने महान् दार्शनिक माओत्से तुङलाई १३१औ जन्म दिवसको अवसरमा हार्दिक स्मरण गराैँ, उहाँप्रति सम्मान व्यक्त गराैँ, माओले देखाएको बाटोमा सदैव अगाडि बढौं ।”
