0 COMMENTS

चैत २१, हैदरावाद । अखिल भारत नेपाली एकता समाज केन्द्रीय समिति अन्तर्गत पर्ने मध्ये दक्षिण क्षेत्रीय समितिद्वारा सञ्चालित उत्तरहैदरावाद नगर समितिको प्रथम भेला गोविन्द केसीको अध्यक्षतामा र केन्द्रीय समितिका अध्यक्ष आनन्द थापाको प्रमुख आतिथ्यमा आइतबार (मार्च ३० २०२५) मा सम्पन्न भएको छ ।

अतिथिहरुमा अखिल भारत नेपाली एकता समाज केन्द्रीय समितिका अध्यक्ष आनन्द बहादुर, सदस्य राम प्रसाद पौडेल मनोहर पौडेल अखिल भारत नेपाली एकता समाज महिला विभागका सचिव कोपीला धिमाल, अखिल भारत नेपाली एकता समाज मध्य दक्षिण क्षेत्रीय समितिका अध्यक्ष कृष्ण पौडेल, अखिल भारत नेपाली एकता समाज मध्य दक्षिण महिला विभागका अध्यक्ष दिलमाया थापाले आतिथ्यताका साथै भेला सफलताको शुभकामना मन्तव्य राखेका थिए । अतिथिको आसन ग्रहण पश्चात ज्ञात अज्ञात शहिदहरुको सम्मानमा एक मिनेट मौन धारण गरिएको थियो । कार्यक्रममा उपस्थित जनसमुदायहरुलाई पदम कार्कीले शब्दद्वारा स्वागत गरेका थिए भने भेलाको सञ्चालन लोकेश सिंजालीले गरेका थिए ।

भेला सफलताको शुभकामना दिने प्रमुख अतिथि आनन्द थापाले नेपालमा सरकार सञ्चालन गर्ने राजनीतिक दलहरुको गलत रवैयाका कारण शिक्षा स्वास्थ्य रोजगारी र नेपाली जनताको दैनिकी कष्टकर बन्दै गएको अवस्थामा भारत लगायत विश्वका विभिन्न मुलुकमा रोजगारीको सिलसिलामा जानुपर्ने बाध्यात्मक परिस्थिति सिर्जना भएको बताए । जसको प्रमुख कारण अहिलेको दलाल प्रतिक्रियावादी राज्यव्यवस्था र त्यसको परिचालन गर्ने दलहरु नै भएको ठोकुवा गर्दै क्रान्तिकारी कम्युनिष्ट पार्टी नेपालले देश र जनताका सबै समस्या समाधान गर्न जनगणतन्त्र हुँदै वैज्ञानिक समाजवादको खाका तयार गर्ने उद्देश्यले देशभरि जनसम्बन्ध विस्तार अभियान (जनतासँग भेटघाट) गरिरहेको बताए ।

अखिल भारत नेपाली एकता समाज मध्य दक्षिण क्षेत्रिय समितिका अध्यक्ष कृष्ण पौडेलले आफ्नो अतिथिको आसनबाट अखिल भारत नेपाली एकता समाजको स्थापना १९७९ साल ७ नोभेम्बरका दिन सात सदस्यीय केन्द्रीय समिति बनेको र आज आएर संगठनको सहि नीति सिद्धान्त र व्यवहारको कारण आज विश्व भरिका देशहरुमा अविभावक को भुमिका खेलेको ले सबै भारतस्थित नेपालीहरु अखिल भारत नेपाली एकता समाजको झण्डा मुनि गोलबन्द हुन आग्रह गरे । उनले भइरहेको अन्याय अत्याचार शोषण दमनको विरुद्ध आवाज उठाउन सक्ने हुनेछौ भन्दै असंगठित नेपालीहरुलाई संगठित बनाएर टोल एरिया नगर क्षेत्र हुदै केन्द्र र नेपालको राजनीतिक संग सक्रिय रुपमा जोडिन सकिने कुरा राखे । अतिथिको आशनवाट राम प्रसाद पौडेल, मनोहर पौडेल, कोपिला धिमाल र दिल माया थापाले भेला सफलताको शुभकामना दिएका थिए ।

अखिल भारत नेपाली एकता समाज उत्तर हैदरावाद नगर समितिको प्यानल प्रस्तुत कृष्ण पौडेल गरेका थिए । साथै भेलाले १९ सदस्यीय उत्तर हैदरावाद नगर समिति गठन गरेको छ ।
जुन यसप्रकार रहेको छ :

अध्यक्ष – गोविन्द केसी
उपाअध्यक्ष – पदम कार्की
सचिव – लोकेश सिंजाली
सह सचिव – शोम बहादुर थापा
कोषाध्यक्ष – बिष्णु गाउँ मगर
सदस्य – टंक ठकुरी
सदस्य – मान बहादुर लामिछाने
सदस्य – राजेन्द्र धिमाल
सदस्य – दिलमाया थापा
सदस्य – कुमार बुढा मगर
सदस्य – रामकृष्ण थापा
सदस्य – सूर्य बहादुर रसाइली
सदस्य – नारायण पौडेल
सदस्य – सपना गाह मगर
सदस्य – नानु गाह मगर
सदस्य – सुस्मिता कार्की
सदस्य – सुमित्रा लामिछाने
सदस्य – छमान सिह वि क
सदस्य – मान बहादुर नेपाली

उक्त कार्यकारी १९ सदस्य उत्तर हैदरावाद नगर समितीलाई बधाई तथा सफल कार्यकालको शुभकामना दिनेहरुमा आनन्द थापा, कृष्ण पौडेल, राम प्रसाद पौडेल, मनोहर पौडेल, कोपिला धिमाल हुन् । समग्र समितिको तर्फबाट अध्यक्ष गोविन्द केसीले अखिल भारत नेपाली एकता समाजको विधान घोषणा पत्र र संगठनको मार्गदर्शन सिद्धान्तलाई आत्मसात् गरी आम श्रमजीवी नेपालीहरुको हक र अधिकार को लागि काम गर्ने बाचा सहित सपथ लिनु भएको थियो । अन्त्यमा अध्यक्षले कार्यक्रम भव्य र सानदार रुपमा सफल भएको घोषणा गरी कार्यक्रमको समापन गरेका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

तपाईको ईमेल गोप्य राखिनेछ । आवश्यक फिल्डहरु* चिन्ह लगाइएका छन् ।