चैत १२, काठमाडाैँ । नेपाली बजारमा आज (मङ्गलबार) सुनको मूल्य घटेको छ । सोमबार प्रतितोला ६ सय रूपैयाँ घटेको सुनको भाउ मङ्गलबार प्रतितोला दुई सय रूपैयाँ घटेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ७३ हजार तीन सय रूपैयाँमा कारोबार भइरहेको छ । सोमबार छापावाल सुन प्रतितोला एक लाख ७३ हजार पाँच सय रूपैयाँमा कारोबार भएको थियो ।
त्यसैगरी, मङ्गलबार चाँदीको मूल्य भने स्थिर रहेको छ । सोमबार प्रतितोला एक हजार नौ सय ८० रूपैयाँमा कारोबार भएको चाँदी मङ्गलबार पनि सोही मूल्यमा किनबेच भइरहेको छ ।
आज अन्तर्राष्ट्रिय बजारमा भने सुन प्रतिऔंस तीन हजार १९ अमेरिकी डलरमा कारोबार भइरहेको छ ।
