चैत ९, काठमाडौँ । चितवनसहित देशका धेरै ठाउँमा हल्का वर्षा भएको छ । मौसम पूर्वानुमान महाशाखाले गण्डकी प्रदेशका केही जिल्लामा मध्यम वर्षा र काठमाडाैँसहित अरु ठाउँमा फाट्टफुट्ट पानी परेको जनाएको छ ।
महाशाखाका अनुसार मधेश र पूर्वका केही ठाउँमा अहिले पनि मेघगर्जन र चट्याङसहित फाट्टफुट्ट पानी परिरहेको छ । आज दिउँसो र बेलुकीपख पनि देशका धेरै ठाउँमा मेघगर्जन र चट्याङसहित हल्का पानी पर्ने सम्भावना रहेको महाशाखाले जनाएको छ ।
महाशाखाका अनुसार भोलिदेखि पश्चिमबाट मौसम सुधार हुनेछ । भोलि कोशी, बागमती र गण्डकी प्रदेशका पहाडी र तराई क्षेत्रसहित मधेश प्रदेशका थोरै ठाउँहरूमा मेघगर्जन र चट्याङसहित हल्का पानी पर्ने सम्भावना छ ।
