0 COMMENTS

चैत ४, काठमाडौँ । क्रान्तिकारी कम्युनिस्ट पार्टी नेपालले सञ्चालन गरेको जनसम्बन्ध विस्तार अभियान ८ नम्बर व्युरोले धादिङको गल्छीमा उद्घाटन गरेको छ । सोमबार धादिङको गल्छीमा पार्टीका पोलिट्व्युरो सदस्य तथा ८ नम्बर व्युरो इन्चार्ज राजनले जनसम्बन्ध विस्तार अभियानको उद्घाटन गरेका हुन् ।

८ नम्बर व्युरोका सेक्रेटरी सरोजको अध्यक्षतामा पार्टीका पोलिट्व्युरो सदस्य तथा ८ नम्बर व्युरो इन्चार्ज राजन प्रमुख अतिथि रहेका थिए भने अतिथिमा धादिङ जिल्ला सेक्रेटरी अमृत अधिकारी ‘विश्वास’ रहेका थिए । उक्त अभियानलाई जनवर्गीय सङ्गठनका तर्फबाट अखिल (क्रान्तिकारी) का केन्द्रीय सदस्य दिनेश जोशी, युवा संघको कार्यालयबाट शंकर शाही, किसान सङ्गठनबाट काउलो लोचनले मन्तव्य राखेका थिए ।

सो अभियानमा नुवाकोटको सेक्रेटरी प्रसिद्धले स्वागत मन्तव्य राखेका थिए भने रसुवाको सेक्रटरी बसन्तले सञ्चालन गरेका थिए ।

देशैभरिबाट ४ वटा टोली र १६ वटा व्युरोबाट एकैचोटी २० वटा टोलीले एकसाथ जनसम्बन्ध विस्तार अभियान उद्घाटन गरेर अभियान शुरु गरेको छ । यो अभियान वैशाख १८ गते काठमाडौँमा मे दिवसका दिन जनसभा गरेर समापन गरिने बताइएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

तपाईको ईमेल गोप्य राखिनेछ । आवश्यक फिल्डहरु* चिन्ह लगाइएका छन् ।