पुस २५, काठमाडौँ । क्रान्तिकारी कम्युनिस्ट पार्टी नेपालका कार्यवाहक महासचिव गौरवले एक प्रेस विज्ञप्ति जारी गर्दै भारत र चीनको मिचाहा प्रवृत्तिको विरोध गरेका छन् ।
कार्यवाहक महासचिव गौरवले विज्ञप्तिमा भनेका छन्, “गत डिसेम्बर १८, २०२४ मा भारतका राष्ट्रिय सुरक्षा सल्लाहकार अजित डोबल र चिनीया विदेशमन्त्री वाङयीका बीच बेजिङमा भएको ६ सुत्रीय समझदारी प्रति हाम्रो पार्टीको गंभीर ध्यानाकर्षण भएको छ । उक्त समझदारीको एउटा बुँदामा कैलाश मान सरोवर तीर्थयात्रा चालुगर्ने र सीमा नदीमा दुई देशीय सहयोगका कुरा उल्लेख गरिएका छन् । त्री–देशीय सिमानामा पर्ने मान सरोबार जाने बाटो र सीमा नदीका सम्बन्धमा नेपाललाई बेवास्तागरी दुई देशले मात्र सहमति गर्नु नेपालको राष्ट्रिय स्वाधीनताका विरुद्ध छ ।”
कार्यवाहक गौरवले विज्ञप्तिको अन्त्यमा भनेका छन्, “हाम्रो पार्टी भारत तथा चीनको यस प्रकारको मिचाहा प्रवृत्तिको वरोध गर्दछ र आउने दिनमा त्री–देशीय सरोकारका विषयमा सम्झौता वा सहमति गर्नु परे नेपाल सहित त्रीपक्षीय वार्ताबाट मात्र होस् भन्ने दुवै छिमेकी देशका सरकारसँग विशेष माग गर्दछ ।”
