जेठ २, काठमाडाैँ । दाङको बबई नदीमा पौडी खेल्ने क्रममा डुबेर दुई दाजुभाईको मृत्यु भएको छ । मंगलबार बबई गाउँपालिका–७ ओदाले घाटमा पौडी खेल्ने क्रममा दुई दाजुभाइको मृत्यु भएको हो ।
इलाका प्रहरी कार्यालय खिलतपुरका प्रहरी प्रमुख प्रहरी निरिक्षक अजयजङ्ग थापाका अनुसार १८ बर्षका दिपक परियारलाई उद्वार गरेर अस्पताल पठाएको र उनको उपचारका क्रममा तुलसीपुरमा मृत्यु भएको थियो । यस्तै १६ बर्षका दिपेश परियारको बबई नदीबाट शव निकालेको प्रहरी निरिक्षक थापाले जानकारी दिए ।
मृतकका परिवार कामको सिलसिलामा भारत बस्ने गरेका थिए । शवको पोस्टमार्टमका लागि राप्ती प्रादेशिक अस्पताल तुलसीपुरमा राखिएको छ ।
घटनाको थप अनुसन्धान भैरहेको प्रहरीले बताएको छ ।
