ललितपुर । सेवाकालीन (अधिकृतस्तर सातौं/आठौं) को ३५ दिने (३० कार्य दिन) तालिम आइतबार पशु सेवा तालिम केन्द्र, लगनखेलको सभाहलमा सम्पन्न भएको छ । पशु सेवा तालिम केन्द्र, लगनखेलद्वारा संचालित उक्त तालिम गत पुुस १ गतेदेखि संचालन गरिएको थियो । बागमती प्रदेश सरकार कृषि तथा पशुपन्छी विकास मन्त्रालयको सचिवस्तरीय मिति २०८०/०८/११ गतेको निर्णयानुसार सेवाकालीन तालिमको लागि सातौं/आठौं तहका अधिकृतस्तरका २५ जना कर्मचारीहरु मनोनयन भएतापनि आफ्नो व्यक्तिगत तथा कार्यालयको कार्यव्यस्तताको कारणले गर्दा तपसिलबमोजिमका १८ जना कर्मचारीहरुले सो ३५ दिने तालिम सम्पन्न गरेका छन् ।
तालिम सम्पन्न कार्यक्रममा तालिम केन्द्रका निमित्त वरिष्ठ तालिम अधिकृत बासुदेव नाथको अध्यक्षता, कृषि तथा पशुपन्छी बागमती प्रदेशका मन्त्री डा.राजेन्द्रमान श्रेष्ठको प्रमुख आतिथ्यता एवं कृषि तथा पशुपन्छी बागमती प्रदेशका सचिव राजेन्द्र कोइरालाको विशेष आतिथ्यता, अतिथि पशु सेवा विभागका महानिर्देशक डा.उमेश दाहाल, भटेरिनरी अस्पताल तथा पशुु सेवा विज्ञ केन्द्र, ललितपुरका प्रमुख डा.रामप्रकाश प्रधान, निरोजमान श्रेष्ठ लगायतको उपस्थिति थियो ।
तालिम केन्द्रका निमित्त वरिष्ठ तालिम अधिकृत बासुदेव नाथले तालिम प्राप्त पश्चात कर्मचारीहरुमा निम्न अनुसारको ज्ञान, शीप र क्षमतामा अभिवृद्धि हुने कुरामा ढुक्क हुुनुुहुन्छ :–
१) व्यवसायिकतामा विकासः सेवाकालीन तालिम अधिकृतस्तर ३५ दिने कार्यक्रमले कर्मचारीहरूलाई नयाँ कौशलहरू अनुसन्धान गर्न र विकसित गर्नका लागि एक व्यावासिक प्लेटफर्म प्रदान गर्दछ । यो तालिमले बृत्ति विकास र प्रगतिका लागि महत्वपूर्ण हुन्छ ।
२) पेशागत विकासः यो तालिमले व्यवसायिकतामा विकास गर्न एक सुचना–पूर्ण प्रक्रिया प्रदान गर्दछ । नयाँ प्रौद्योगिकीहरू अध्ययन गराउँछ र अन्य पक्षहरुसंगको सम्बन्धनात्मक विकासमा सहयोग गर्छ ।
३) समृद्धि र उत्कृष्टतामा सहयोगः यस प्रकृतीको तालिमले कर्मचारीहरू कसैले वा कसैको दृष्टिकोणमा श्रेष्ठता आर्जन गर्नका लागि कसैले कसैसँग एकअवस्था बनाउन वा समृद्धि अनुभव गर्नका लागि कसैको दृष्टिकोणमा श्रेष्ठता आर्जन गर्नका लागि एक साझा मंचको रुप पनि प्रदान गरिदिन सक्छ ।
४) संयुक्त साझेदारी दृष्टिकोणको विकासः सेवाकालीन तालिमले कर्मचारीहरूलाई विभिन्न क्षेत्रमा एक दृष्टिकोण दिने, विभिन्न विचार राखेर उनीहरूलाई समृद्धि गराउँछ र एक संयुक्त साझेदारी बनाउनमा सहयोग गर्दछ ।
५) तत्पर र समर्थनशील शैलीको विकासः सेवाकालीन तालिमले कर्मचारीहरूलाई तत्पर र समर्थनशील बनाउँछ जुन उनीहरूलाई उनीहरूको भूमिकामा अधिक उत्साही बनाउँछ र उनीहरूको प्रदर्शन र समर्थनले संगठनलाई सशक्त बनाउँछ ।
६) समृद्धि र लोकप्रियतामा सहयोगः यस प्रकृतीको तालिमले व्यक्ति र संगठनलाई आफूलाई उन्नत, सामाजिक र पेशेवर बनाई समृद्धि र लोकप्रियता बृद्धि गर्नमा पनि सहयोग प्रदान गर्दछ । सेवाकालीन (अधिकृतस्तर सातौं/आठौं) तालिम (३० कार्य दिन) ले यस बागमती प्रदेश र अन्तर्गतका स्थानीय निकायमा कार्यरत अधिकृतस्तर सातौं/आठौं कर्मचारीहरुले यस तालिममा सिकेका कुरा र प्रशिक्षकहरुले दिनु भएको ज्ञान र शिपलाई आफ्नो कार्य क्षेत्रमा गएर प्रयोग गरी सम्वन्धित निकायमा पेश गर्न र कार्यान्वयन गर्न सकेमा यस तालिमको उद्धेश्य पुरा हुने विश्वास गरिएको छ । त्यसै गरी आफुले भोगेका समस्याहरु यस विषयका विज्ञहरुद्वारा समाधान भएको र आफ्नो कार्यक्षेत्रमा गई व्यवहारमा लागु गर्न सकेमा व्यवसायिकता र विकास, पेशामा विकास, समृद्धि र उत्कृष्टता, संयुक्त साझेदारी, तत्पर र समर्थनशील कर्मचारी निर्माण जस्ता पक्षहरुमा सुधार भइ कृषकहरुलाई आर्थिक नोक्सानबाट बचाउन सके यो तालिम सफल भएको मानिन्छ । यस तालिमबाट सिकेका प्रविधिहरु तथा ज्ञान प्रयोग गरी व्यक्ति, परिवार, समाज, संगठन तथा कृषक तहसम्म पु¥याउन व्यक्तित्व विकास, संगठनमा गरिने कृयाकलापहरुमा कलात्मक एवं वैज्ञानिक सुधार र सेवाग्राहीले सुलभ र सरल रुपमा सेवा प्रदान हुन गई पशु पालन व्यवसायमा संलग्न कृषकको आयश्रोतमा वृद्धि हुनुको साथै बेरोजगारीको समस्या पनि समाधान भै रोजगारीको श्रृजना हुने हुदाँ यस किसिमको तालिम उपयोग देखिन्छ । त्यसैगरी तालिमबाट सिकेका व्यवस्थापकिय तथा प्राविधिक ज्ञानहरु प्रयोग गरी आफ्नो लगायत कार्यालयको वृद्धी विकासमा टेवा पुग्ने अपेक्षा राख्दछौं । साथै प्राप्त गरेको प्रमाण पत्रले आगामी समयमा बृत्ति विकासमा सतप्रतिशत सहयोग गरी प्रगतीको बाटोमा लम्किन सहयोग गर्नेछ ।
