असार ३२, काठमाडौँ । नेपालमा आज २०५ जनामा कोरोना संक्रमण पुष्टि भएको छ । पछिल्लो २४ घन्टामा देशभर १ हजार १९९ जनाको पीसीआर परीक्षणमा १५२ जना र १ हजार ८९१ जनाको एन्टीजेन परीक्षणमा ५३ जना गरी २०५ जनामा संक्रमण पुष्टि भएको हो । कोरोनाका कारण आज पनि कसैको मृत्यु भएको छैन ।
त्यस्तै थप ५१ जना संक्रमित निको हुँदा हालसम्म नेपालमा ९ लाख ६७ हजार ९५७ जना निको भएका छन् । यो कुल संक्रमितको ९८ दशमलव ६ प्रतिशत हो । मन्त्रालयका अनुसार हाल नेपालमा १ हजार ३८५ जना सक्रिय संक्रमित रहेका छन् । पछिल्लो २४ घन्टामा थप १ लाख ८२ हजार ९८९जनाले कोरोनाविरुद्धको खोप लगाएका छन् ।
