असार १७, काठमाडौँ । नेपालमा आज ५० जनामा कोरोना संक्रमण पुष्टि भएको छ । पछिल्लो २४ घन्टामा देशभर १ हजार ४६७ जनाको पीसीआर परीक्षणमा ३५ जना र १ हजार ३४७ जनाको एन्टीजेन परीक्षणमा १५ जना गरी ५० जनामा संक्रमण पुष्टि भएको हो । कोरोनाका कारण आज पनि कसैको मृत्यु भएको छैन ।
त्यस्तै थप १८ जना संक्रमित निको हुँदा हालसम्म नेपालमा ९ लाख ६७ हजार ४८० जना निको भएका छन् । यो कुल संक्रमितको ९८ दशमलव ८ प्रतिशत हो । मन्त्रालयका अनुसार हाल नेपालमा २९७ जना सक्रिय संक्रमित रहेका छन् । पछिल्लो २४ घन्टामा थप १ लाख ७८ हजार ७ सय ८६ जनाले कोरोनाविरुद्धको खोप लगाएका छन् ।
