साउन १६, काठमाडौँ । नेपालमा आज ८९५ जनामा कोरोना संक्रमण पुष्टि भएको छ । पछिल्लो २४ घन्टामा देशभर ३ हजार ६८५ जनाको पीसीआर परीक्षणमा ६३२ जना र २ हजार २२४ जनाको एन्टीजेन परीक्षणमा २६३ जना गरी जम्मा ८९५ जनामा संक्रमण पुष्टि भएको हो ।
त्यस्तै पछिल्लो २४ घन्टामा थप २६४ जना संक्रमित निको हुँदा हालसम्म नेपालमा ९ लाख ७० हजार ३२६ जना निको भएका छन् । यो कुल संक्रमितको ९८ दशमलव ३ प्रतिशत हो ।
यसैबीच नेपालमा पछिल्लो २४ घन्टामा थप १ जना कोरोना संक्रमितको मृत्यु भएको छ । योसँगै कोरोनाले ज्यान गुमाउनेको सङ्ख्या ११ हजार ९६८ पुगेको छ ।
स्वास्थ्य तथा जनसङ्ख्या मन्त्रालयका अनुसार हाल नेपालमा ४ हजार ९३४ जना सक्रिय संक्रमित रहेका छन् । पछिल्लो २४ घन्टामा थप ३३ हजार १७६ जनाले कोरोनाविरुद्धको खोप लगाएका छन् ।
