चैत १५, काठमाडाैँ । म्यान्मारको मध्य भागमा आज शक्तिशाली भूकम्प गएको छ । शुक्रबार म्यान्मारको मध्य भागमा गएको भूकम्प ७ं.७ रेक्टरस्केलको रहेको छ ।
भूकम्पले राजधानी न्यापिडोका सडकहरू, भवनहरुमा क्षति पुर्याएको छ । भूकम्पले छिमेकी देश थाइल्यान्डमा समेत क्षति पुगेको अन्तर्राष्ट्रिय समाचार माध्यमहरुले जनाएका छन् । म्यान्मारको मध्य भागमा म्याग्निट्यूड ७.७ को भूकम्पका कारण त्यस क्षेत्रमा सयौँ मानिसहरूको मृत्यु भएको हुनसक्ने उद्धारकर्मीहरूले बताएका छन् ।
भूकम्पबाट म्यान्मारको सीमावर्ती थाईल्यान्डसहित उक्त क्षेत्रभरि नै क्षति भएको विवरण आएका छन् । अमेरिकी भौगर्भिक सर्वेक्षण निकाय यूएसजीएसका अनुसार भूकम्पको केन्द्रबिन्दु सगाइङ सहरबाट १६ किमि टाढा छ । उक्त भूकम्प जमिनभन्दा १० किमि तल उत्पन्न भएको यूएसजीएसले जनाएको छ ।
