कात्तिक २७, सिन्धुली । क्रान्तिकारी कम्युनिस्ट पार्टी नेपाल सिन्धुली जिल्ला सङ्गठन समितिको ऐतिहासिक जिल्ला एकता संम्मेलन पार्टी केन्द्रीय कार्यालय सदस्य, ३ नं. प्रदेश संयोजक क अटलको प्रमुख आतिथ्यमा यही कार्तिक २२ गते सिन्धुलीमाढीमा सम्पन्न भएकोछ ।
सम्मेलनको उद्घाटन र कार्यक्रमको अध्यक्षता जिल्ला इन्चार्ज सेक्रेटरी क जीवन र सञ्चालन क अनुजले गर्नुभएको थियो । उक्त जिल्ला सम्मेलनले इन्चार्ज क जीवन सेक्रेटरी र क अनुज सहसेक्रेटरी निर्वाचित गरी पछि ६ सदस्य थप्ने गरी २१ सदस्यीय जिल्ला समिति सिन्धुली चयन गरियो ।
नव निर्वाचित कार्यसमितिलाई प्रमुख अतिथि क अटलले सफथ खुवाउनु भयो । कार्यक्रमको अन्तमा जिल््ला कार्य समिति र प्रतिनिधिलाई संयुक्त रुपमा समसामयिक राजनीतिक बिषयमा बृहत्तर प्रशिक्षण दिदै आगामी मङ्सिर १० देखि २३ गतेसम्म हुने ऐतिहासिक एकता राष्ट्रिय महाधिवेशन सम्पन्न गराउन सहयोग प्रदान गर्न निर्देशन दिनुभयो ।
